Duwa Lasi Bawk naw gaw,Manu dan ai laika buk law law hpe anthe Jinghpaw Wunpawng sha ni a matu tsaw ra myit hte arang grai bang let laikabuk law law hpe ka da ya sai rai nga ai.
Shi a laika buk ni gaw Jinghpaw ,English , Myen hku ka tawn ai manu dan ai laika buk ni rai nga ai.
Duwa Lasi Bawk naw a Myutsaw myit gaw grai hkungga manu shadan hpa rai nga ai.
sara Kaba gaw: shabyin hpe n ka, Mabyin hpe ka ai wa rai nga ai.
Shi a myutsaw myit kaba ai lam gaaw matsıng la,kasi la mai nga ai.
Shi prat hta Lungseng kru lang awng ai,Sut hpaga hpe gaw gap let lungseng hpaga la langai hku nna shakut shaja awng dang nga ai ten, anhte myu sha ni a matu labau lasang, lareng ni hpe matsing sumhting kada ra sai ngu,myit hkawn ai hte maren, Shi a lungseng sut hpaga bungli ni tawn kau da nna ,17 ning ting labau a mutu arang bang let shakut shaja lai wa sai lam gaw kasi la mai nga ai.Hkungga mai nga ai.
Sara kaba a Mying Gumhkawng ai laika buk ni,
📕“Jinghpaw wunpawng sha ni hte Daini na sut masa” ,
📕” Chyan la hkra rai ,Jawm Mada yu saga”,
📕“ကျော်ကြားထင်ရှား ကချင်မှတ်တိုင်များ''
📕"Let's Raise! Our Eyes!"
🔏 Based on: The Kachins/Jinghpaws and the World War Il events.
Ndai laika buk ni gaw Miagan dat kasa rung hkan na ni du hkra hti hkaja ai labau laika ni rai nga ai,
🔆📕Fascist Japan hpyendap gaw hpyenla sen masum jan hte Myen mung de htim gasat shang wa ai kaw nna, n-gun mun loi mi sha rai nga ai Kachin guerrillas ni gaw n-gun atsam mahkra hte bai gasat wa sai lam.
🔏Ndai laika buk hta, 1885 ning MyenHkawhkam Thibaw n nga mat ai hpang, 42 ning laman, jan nshang ai Empire hpe madu da ai Inglik hpe Kachin ni gara hku ninghkap lai wa sai lam .
✏📕Mahabandula hte Kachin hpyen hpung ni Assam hte Manipur majan ni hta gara hku gasat nna awng padang lu lai wa sai lam ni hpe mung asan sha mu lu na re, Kachin mungmasa ningbaw ningla ni gaw shawng lam hpe tau hkrau mu mada let Myen mung shanglawt lu hkra Panglong Agreement hpe lata masat htu lai wa sai hpe asan sha mu lu na re.
📕Dai hta n-ga, Kachin Lt. Hpauwung La Tawng ngu ai hpyen share ninghkrin wa gaw, 1953 ning hta Inle ginra hta Myen communist rawt malan hpung marai masum tsa hpe shi langai hkrai gasat dang kau lu ai lam hpe mung ka da ai.
📕Asak 14 ning sha re ai Ngai Tawng ( Anai Tawng wa) Hugawng ga na maroi nni masin nsi ai lam.
📕Kachin hpyen du ni, Pyin Oo Lwin Hpyen Jawng DSA Amu Madu Dukaba LAHPAI KHUN NAWNG (MC) a lam.
🔏 Yuptung jahpan hta lawm ai Mingyi Wunna Kyaw Htin immigration officier
☆Duwa Major Shan Lone (MC),
☆Myitkyina M.C Lahpai Zau Jun D.C.
☆D.C KumJe Tawng (MC) ,
☆Die Hard Maji Tu (MC), hte Laika ka ai wa a Kawa
☆Bumdu Lasi Sam Naw (CMA) ni Mungkan Majan ten hta, hte Gara hku shang lawm ai lam.
📕Hpa Majaw US Gumsan Magam .D. Eisenhower kaw na Kachin Rangers hpe shagrau sha-a ai V.force Majan HONORS ni shagrau a ta?
🔏Jinghpaw mung daw hte mungkan shing grup mying kaba ai LEDO lam ni hpe mung lu na ra re.
☆Stilwell Highway Lidaw lam mayan kaw shanu nga ai amyu bawsang ni a lam
📕Kungbaung Hkawhkam ban prat (11) hte Kachin Duwa ni a matut mahkai lam ai lam,
🔏 Hpyen jaubu Maha Bandula hpe Kachin amyu sha re ngu ai lam sawk sagawn da ai lam,
📕Labau hta laklai ai Kachin hpung sara kaba ni a lam, Kachin amyu sha ni Hkristan makam masham hpe gara hku kam sham wa ai lam
🔏Kachin masha shagu chye da ra ai ahkyak ai nhtoi htoi ni
☆Wunpawng Mungdan Shanglawt Asuya, (American Kachin Rangers Force), Mungkan Majan II laman Dingdung Kachin Levies (NKL),
🔏Majan shagu hta magrau grang ai hte gasat lawm tim mying ka masat shagrau nhkrum ai Kachin hpyen la ni a yawn hpa labau a lam.
📕Dr. Gordon Seagrave hte rau bungli galaw lai wa sai Bronze Star kumhpa lu ai Jinghpaw num tsi saranum ni a lam,
🔏Chindits, Mars Task Force, Z Force hte Australia masha ni a lam, Mungkan Majan II laman ahkyak ai bungli galaw ai shaloi jai lang ai bungli masing ni a lam.
☆ Myen mung a ahkyak ai majan pa hta fascist Japan ni hkrat sum mat wa ai lam, buga Kachin amyu sha ni hpe dip sha, roi rip, zingri zingrat hkrum ai lam ni a lam.
🔏Kachin ginra hta nga ai manu dawdan lu ai shingra sutgan, hpun kawa dusat dumyeng ni, Rare earth minerals ni a lam.
🔏Grau nna gaw, majan garai n byin shi ai ten, majan ngut ai ten, shanglawt lu ai ten kaw nna, tinang a lit hpe gun hpai lai wa sai Kachin amyu sha law law a lapran na mying gumhkawng ai masha ni a lam hpe hkai tsun dan ai labau mung rai nga ai.
📕Matsing sumhting sumhpa law law, mungkan labau, Myen labau sawk sagawn ai lam ni, Research galaw ai lam ni law law hte ka da ai.
Jinghpaw wunpawng myu sha ni yawng hti hka ja ging ai manu dan laika buk ni re ngu mu mada ai.
No comments:
Post a Comment